كرسى الأعتراف ..

مساء الفل ..

كرسي الاعتراف لعبه جميله جدا هاتسعدنا اننا نتعرف على بعض اكتر نعرف افكار بعض
نعرف نبذه ولو بسيطه عن حياة كل شخص او عضو معانا في المنتدى قد يكون عضو مشارك او مشرف
او حتى صاحب المنتدى خلونا ندردش مع بعض
ونسئل العضو اللي على كرسي الاعتراف ادق الاسئله العامه والشخصيه ونتعرف
على حياته وافكاره حتى الاسئله الشخصيه جدا(بس مش جدا قوي قوي)والمطلوب من
العضو انه يجاوب بصراحه وبجديه .

الشخص الذي يختاره ويتفق ثلاث اشخاص على
انه يجلس على كرسي الاعتراف هيبقى أول واحد معانا ، وده في اول شخص فقط مؤقتا او في حالة
عدم تواجد الشخص اللى المفروض يقعد على الكرسى.

ويتم جلوسه على الكرسي لمدة 24 ساعه من 12
بليل لتاني يوم الساعه12 بليل واخر واحد كان على كرسي الاعتراف عليه ترشيح
عضو اخر للجلوس على الكرسي بعده
ودعونا نبدأ
من ياشباب اول من ترشحو للجلوس على الكرسي
شخص عايزين تسالو عن حياته او اي شيء يخطر ببالكم
مين
مين
مين

بارشخ مشرفتنا ياسمين

مين يأكد معايا الترشيح .. محتاج 2

انا كمان ارشح ياسميناا

يلا باقى صووت

يلا انا كمان هختار ياسمين

كده تمام :D

ايه ده ياسمين هتقعد على الكرسى كمان ساعه:D

مش مصدق :D

جارى تجهيز الأسئله وألف ألف مبروك يا ياسمين

فرحتلك والله كرسى الأعتراف .. 2165992760

يالهووووووووووووووووووووووووووووووووووووووووووووى :shock: :shock: :shock: :shock: :shock: :shock: :shock: :shock: :shock:

ده انا لسه صغيييييييييييييييييره يالهوى بالى ياما عااااااااااااااا

فرحتلى مين انت كمان هو انا هقعد على الكوشه :((

ماااشى يااية

مااااااااااااشى

ومعانا مجموعه الأسئله رقم 1 كرسى الأعتراف .. 3596227959

1- أيه كبر مشكله حصلتلك فى حياتك؟ وسببها ايه؟ وإتصرفتى إزاى؟
2- مين قدوتك في الحياه ؟
3- تعرفى إيه عن الحب ؟
4- بتعتقدى بمقوله البعيد عن العين بعيد عن القلب ؟ وايه اكتر مقوله بتعتقدى بيها ؟ وايه مثلك المفضل ؟ واكلتك ومشروبك المفضلين؟
5- قولبنا اكتر موقف كان شكلك وحش فيه قبل كده ؟
9- من اكتر شخصيه اثرت عليكى وعلى شخصيتك بوجه عام في الحياه كلها ؟
10- إيه الماده اللى بتكرهيها أوى والماده اللى بتحبيها اوى ؟
11- لو جتلك بعثه دراسيه تحبي تكون فين ؟ وليه ؟
12- الدنيا بتعلم كل واحد فينا حاجات كتير ايه اكتر حاجه اتعلمتيها من الدنيا وماشيه بيها لغايه دلوقتى واستحاله تغيريها ؟
13- احسن يوم فى حياتك ؟
14- أكبر غلطة عملتيها ؟
15- تقولي لمين ربنا ما يحرمنى منك ؟
16- امتى ياسمين ممكن تكدب ؟
17- إية هيا طباعك الحسنة أذكرى خمسة ؟
18- اية اكتر حاجة مبتحبيهاش فى نفسك (قولي تلاتة بس علشان متكرهيش نفسك قوى lol!

)
19- أول واحد إتعرفتي عليه مين فى المنتدى ؟ و مين اللى نفسك تتعرفي عليه ؟
20- أكتر حاجه تغيظك ؟ اكتر حاجه تسعدك ؟ اكتر حاجه تحزنك ؟
21- عايزه تبقي ايه في المستقبل ؟
22- ايه رايك في ولاد اليومين دول ؟
25- إية رأيك فى الافلام الاجنبى وأكتر فيلم عجبك ؟
27- مين أكتر حد بتستريحى معاه فى الكلام برة وجوه المنتدى ؟
31- لو انتي بتنزلي حاجه مهمه للجهاز من على النت والنت فصل فجأه تعملي ايه ؟؟
32- إمتي حسيت انك فاشله ؟؟
33- ايه احلى دعوة حد دعهالك ؟ (دا غير اللي دعوا عليك lol!

)
34- اصعب طلب حد طلبه منك ؟
35- موقف غريب حصل قدامك وتحكيه لينا ؟
36- كلمة نفسك تقوليها لحد ؟ و كلمة نفسك حد يقولهالك ؟
37- ايه أكتر مشهد شوفته فى فيلم وأثر فيكي؟
38- أكتر مشهد شوفتيه وموتك من الضحك؟
39- ممكن تسامحي حد غلط فى حقك بسهولة؟
40- مين الحد اللى انتي خايفه ليدخل يسألك فى الموضوع دة (غيرى lol!

) ؟
41- سؤال دايقك وسؤال خلاكي مبسوطه وعجبك ؟
42- أرخم عضو او مشرف من وجهة نظرك ؟
43- كلمة فى بالك عاوز تقوليها ليا ؟
44- لو قلتلك تصرخي بأعلى صوتك بحيث هيسمعك كل من فى الكرة الارضية ياترى هاتصرخي وتقولي اية ؟
45- لو قولتلك انك هترجعي بالزمن لورا وتختاري زمن من الازمنة علشان تعيش فية ياترى هتختاري اية ؟ ولية ؟
46- أمنيه نفسك تحققهيا بس مش ليكي لحد تاني ؟
47- إيه رأيك في الأعضاء دول ( the king of blood- the prince of century - mahmoud nada )
48- رأيك فيا بصراحه ومن غير مجامله أو تهييس

كدا انتهى الجزء الأول lol!

ومعانا الجزء رقم 2 lol!

1- مين الشخص المدين ليكى ؟

2- مين الشخص اللي بتعتزى بيه ؟

3- مين الشخص لي تتمني ليه الخير ؟

4- لو قلت ليكي انزعي شئ من حياتك-عادة او صفة...-ايه هي وليه ؟

5- لو قالوا ليكي غدا ستموتي - بعد الشر - فماذا ستفعلي ؟

6- مادا تعني لكي الحياة الحلوة ؟

7- مادا يعني لكي :

السعادة

الكرامة

القسوة

الطفولة

الصحة

النجاح

النفاق

الاخلاص

الخيانة

الصداقة

8- انتي حبيتي قبل كدة ؟

9- ما هي نقاط ضعفك ؟

10- ما هو السؤال الي انتي خايفة منوا ؟

11- تعرضتي لحادث ما فى ضغرك لشقاوتك ولسة اثار الحادث موجودة ؟

12- اوصاف فتى احلامك ؟
16- ايه اكتر خبر سمعتيه وفرحك اوى ؟

17- امتى اخر مرة جبتي لحد هدية ؟ وكانت اية ؟ ولمين ؟

18- امتى اخر مرة جالك فيها هدية ؟ وكانت اية ؟ ومن مين ؟

19- وانتي بتمشي تبع الموضة ولا لا ؟ وايه الالوان اللي بتفضليها ؟

20- انتي دحيحه ولا من بتوع كلو فى الكلتش ؟

21- مطربك المفضل ؟ عربى واجنبى

22- مطربتك المفضلة ؟ عربى واجنبى

23- ممثلك المفضل ؟ عربى واجنبى

24- ممثلتك المفضلة ؟ عربى واجنبى

25- بتحبي تسهر ؟ ولو سهرت اخرك الساعة كام ؟

26- بتحبي قعدة البيت اكتر ولا الخروج ؟

27- بتمارسي رياضه ؟ ايه هيه ؟

28- بتقضى كام ساعه عالنت ؟ منهم كام ساعه بتخليهم للمنتدى ؟

29- ليكى فى الكوره ؟ واية فريقك المفضل محليا وعالميا ؟

30- معاكي شنطه فتحتهيا لاقيتي خمس حاجات هقولك حاجه حاجه وتقوليلى هتهديها لمين ؟

ورده

قطه

مسدس

كارت شحن فودافون بخمسين جنيه

خاتم الماظ

31- انتي شبه مين باباكي ولا مامتك ؟

32- اكتر واحد بتحبيه فى عيلتك ؟ وليه ؟

33- ناويه تسمى ولادك ايه ؟

34- سافرتي بره مصر قبل كده ؟ فين ؟

35- نفسك تسافري فين ؟
39- اكتر البوم لمطرب ومطربه عجبك الصيف دة ؟

40- صاحبتك الانتيم فى الفصل كان قاعدة جنبك فى الديسك ولا لا ؟

41- اخر يوم فى امتحاناتك وانتي نازله من على السلم كنتي بتغنى تقولي ايه ؟

42 - اختاري من بين القوسين : مواضيعك دائما تتسم ب ( الجمال - خفه الدم - الغتاته - الرخامه - الرزاله - الوحاشه - البساطه ) ؟

43- عندك كام اخ وكام اخت ؟

44- أقسامك المفضلة ؟

45- اعتذار تريد ان تقدميه لمين ؟

46- ما رد فعلك عندما يقول لك حبيبك : ده بالنسبالى عادى جاست فريند؟

47- ماذا ستكتبي لنا لتعبر عن حياتك اللى عشتيها الى الان في كلمات قليله ؟

48- اذا اردتي ان تبكي الان .. على من تبكي ؟

49- من ستختاري ليمسح دموعك ؟

50- بتنامي كام ساعه فى اليوم ؟

انتهى الجزء رقم 2 lol!

سمستي سمستي على كرسي الاعتراف يا دي النور يا دي النور

لما تخلصي بس من الرد على عبد السلام هاجيبلك اسئلة يا روحي

أحم أحم ...

بسم الله كده ونبدأ ^__^

1-أكبر مشكله حصلتلى !! امممممم تقريبا لما اتخانقت مع اصحابى وقطعنا مع بعض فترة .. وسببها مش فكراه .. واتصرفت ازاى كنت عامله زى اللى حبيبها سابها ^__^

2-قدوتى هوا (( الحج ابوياااااااا)) قدوتى فى الشجاعه طبعا :D

3- كل خير ^__^

4-اممممم لا مبعتقدش بيها .. اللى بعتقد بيها .. مش اى حد يبصلك يبقى مغرم بيك اكيد شبشبه ضايع وشاكك فيك .. مثلى المفضل ( يلا ) ههههههههه.. كله تمام

5- هههههههههههههههههههه يالهوى مواقف كتير وخصوصا بتاع كفر الشيخ اللى بلوزتى اتقطعت فيه وكان يوم زى الفل

9- أكيد اهلى .. ( الحج ابويا بردك )

10- الماده اللى بكرهها اووووى هيا الرياضيات .. واللى بحبها اوووووووى هيا التاريخ

11- فرنسااااااااا .. لانى بموت فيها وكمان عشان اطلع برج ايفل

12- الحقيقه متعلمتش حاجه لجد دوقت ^__^ بس مسيرى هتعلم هوا انا لسه شوفت من الدنيا حاجه

13- اليوم اللى ببقى فيه مع اصحابى .. بس أحلى ايامى بجد كانت فى الامتحنات اللى فاتت ^__^

14- أنى مشيت مع عيال زى دى هههههههههههههههههههههه .. لا بجد انى صحبت واحده كده كنت بضيع معاها وقتى وخلاص

15- لكل اللى بحبهم اوووووووى

16- ممكن اكدب !! الحقيقه مش عارفه بس معتقدش انى ممكن اعملها

17- هههههههههههههههههه اذكر خمسه اذاى يعنى ^__^ طب ممكن نقول (طيبه- مرحه- عنيييده-معرفش-معرفش)

18- اممممم ممكن نقول ( السزاجه-والعصبيه-الضعف )

19- اول حد اتعرفت عليه كانت أية .. انما مين بقى اللى نفسى اتعرف عليه فانا اعرفكوا كلكو

20- أكتر حاجه تغيظنى ان حد يقولى هقولك على حاجه لو عملتى كذا واعملها ويقولى كنت بهزر ببقى هولع .. اللى بيسعدنى لما بشوف الناس اللى بحبها .. اللى بيزعلنى لما مش بشوف اللى بحبهم

21- والله دى لسه محددتهاش بس اللى نفسى فيه اوى .. ابقى صحفيه مشهورة

22- كلهم عيال ميكى ميكى من اللى بتروح وتيجى .. بس مش كله طبعا فى رجاله جدعين بس للاسف السيئه بتعم

25- انا بموووووووووت فى الافلام الرعب واكتر فيلم عجبنى هوا .. الحقد ^__^ تيراراام

27- أحم أحم ... مافيش حد معين :">

31- بفضل مصدومه سااااااااااااااعه وممكن يجلى شلل فى النص

32- هههههههههههههههههه دايماًاًاُاً

33- اشوفك جمب عريسك فى الكوشه هههههههههههههه

34- أصعب طلب !! لا الحقيقه محدش طلب منى طلب صعب قبل كده

35- موقف غريب هههههههههههه .. امممم .. شوفت ولد بيبوس بت فى الشارع ^__^

36- كلمه نفسى حد يقولهالى ..!! بحبك ^__^ واكيد هقول وانا كمان :D :D ايه بحلم عادى يعنى

37- اكتر مشهد أشثر فيا ... هوا فيلم أسف للازعاج أثر فيا جامد لانها صعبه اوى لما تصحى فى يوم متلاقيش اللى بتحبهم حوليك

38- لا دول كتير اووووووووووووى ميتعدوش

39- للأسف أخه :( :(

40- هههههههههههههههه الصراحه كلكم ^__^ منه لله بقى اللى عمله واللى رشحنى

41- كلهم تماااااااااام

42- ههههههههههههههههههههه أنا .. (قصدى انا ياسمين مش انت ياعبده ^__^ )

43- ربنا يخدك

44- هقول يالهووووووووووووووووووى

45- هختار وقت ماكنت طفله عشان ارجع العب تانى فى الشارع ^__^ ومشلش هم حاجه

46- نفسى أحقق لكل اللى حطين أمل عليا اللى عايزينه

47- the king of blood أيـــــــــة حبيبتشى .. عسوله وطيبه موت وانا بحبها اوى لانها البرنس بتاعى

the princess of century خلـــــــود روحى .. طيبه موووووووووووت ودمها خفيف اوى وبموت فيها

mahmoud nada الحقيقه انا معرفوش قد كده عشان اقول عنه حاجه .. بس اعتقد انه جدع ومحترم وانسان كويس

47- مش هقوووووووووول :p

ولا اقولك هقول وأمرى لله

( إنسان كويس ومحترم وأهبل .. وجدع جداااااااااااااا .. وخادوووم موت .. وتحبلى الشر زى عنيك )

احب اقولك فى الاخر

منك للــــــــــــــــه

اشوفك والع يابعيد ومطافى مصر كلها مش عارفه تطفيك

ودفعة جديدة كمان

1- مين الى عرفك على المنتدى ده ؟

2-اول حد كلمتيه على المنتدى كان مين ؟

3- عمرك اتخانقتي مع حد فى المدرسة ؟ وكان ايه السبب ؟

4- ايه كان اول انبطاع اخدتية على الناس الى هنا ؟
5- عمرك حسيتي ان فيه حد هنا مش بيحبك ؟

6- من وجهه نظرك ايه السن المناسب الى ممكن ترتبطي فيه ؟

7- مين اكتر حد قريب منك هنا ولد وبنت ؟

8- عضو نفسك تقربي منه وتتعرفي عليه اكتر ؟
9- موقف حصلك وخلاكي تغيري حاجات كتيره فى حياتك ؟

10- انت بتحبي تنظمي اوضتك وكده ولا مبهدله ؟

11- ليكي كام صاحبه انتيم ؟ وايه اكتر حاجه بتزعلك منهم ؟

12- اخر خناقه اتخانقتهيا فى البيت كانت مع مين وبسبب اية ؟

13- شايفه ان الصداقه على النت دى بتدوم ولا فتره وهاتعدى ؟

14- ايه اصعب لحظات مرت على حياتك ؟

15- امتى ياسمين بتحس انها ضعيفه ؟

16- ماهى احلامك ؟
17- امتى ممكن تفكرى انك تسيبى المنتدى ؟
18- لو خيروكي بين حبيبك وبين اعز صديقه ليكي .. فمن تختاري ؟
19- امتى حسيتي بالخوف ؟

20- امتى حسيتي بالضياع ؟

21- امتى حسيتي انك مش عايزه الاحساس ده يفارقك ؟

22- اتكلمي عن شخصيتك ؟

23- اختارى شخص فى بالك ووجهيله كلمه ؟ يعنى تقولي مين الشخص واية الكلمة
24- تتمنى ايه دلوقى ؟

25- شخص غيرك للأحسن ؟ وهل فى حد غير فيكي حاجه للأسوأ ؟

26- شخص شجعك ووقف جنبك ؟ فى المنتدى وبرة المنتدى

27- اول حد اتعرفتي عليه هنا ؟ اخر حد اتعرفتي عليه هنا ؟

28- بتحكمي على الناس بأى منطق من وجه نظرك ؟

29- من طباعك التقلب والتغير مع الناس ولا لا ؟
30- احكيلنا اجمل حلم حلمتي بية ؟

31- احساس تتمنى الا تشعري بيه ابدا ؟

32- تغمض عينك وتفتح نفسك تلاقى ايه ؟

33- المميزات اللى انت شايفها اللى المفروض تكون فى كل بنت ؟
34- كلمه لشاب بيتسلى ؟ وكلمه لبنت بتتسلى ؟

35- بتحلي مشاكلك ازاى ؟

36- مين اول حد بتروحيله لما تحصل مشكله ؟

37- تعملي ايه لو حد جرحك هل تكتفى بالصمت ولا ؟

38- الولاد من وجهه نظرك ازاى دلوقتى ؟

39- عضو تتمنى انوا ميكنش زعلان منك ؟

40- امتى يكون الصمت ابلغ من الكلام ؟
41- بتهتمي بايه فى حياتك ؟

42- يومك بتقضيه ازاى ؟

43- طريقه تفكيرك فى المواضيع المهمه ؟

44- تفتكري صداقة النت فعلا امر طبيعى ولا لازم فى مرة المقابلة فيس تو فيس؟

45- قناعاتك الشخصية فى الحياة هى اية؟
46- اخر مره بكيتي فيها امتى ؟

47- بتحبي البحر ؟

48- ياترى تعاملك مع الناس فى الحياه زى تعاملك معاهم على النت ؟

49- اكتر مكان بتحب تروحيلة وانتي فرحانه ؟ واكتر مكان تحبي تروحيلة وانتي متضايقه ؟

50- ايه اكتر حاجه شاغله تفكيرك اليومين دول ؟

51- هل تؤيدي الزواج العاطفي ام الزواج التقليدى ؟ ولماذا ؟

52- ايه رايك ان الاحبه بعد الفراق يتناسوا المشاكل اللى حصلت ويفتحوا صفحه جديده ويبقوا اصدقاء ؟ ينفع ولا لا ؟ وليه ؟

53- احساس لم تشعري به ؟

54- حلمك كان ايه من وأنتي صغير ؟

55- طريقتك فى الحوار ازاى ؟

56- بتدوري على ايه فى حياتك ؟

57- لو هتغيري اسمك ممكن يبقى اية ؟

58- لقب تعطيه لنفسك ؟

59- لو غيرتي اسمك فى المنتدى هيبقى ايه؟

60- لو المنتدى بتاعك هتغيري فيه حاجه ؟

61- يا تري لما انتي بتعملي حاجة غلط بتعاقبي نفسك أزاي ؟

62- أيه أهم أسباب تحطم القلوب من وجهة نظرك ؟

63- اية الحاجات اللى لو عملها اصحابك وحبيبك مثلا او اخواتك تفرحك قوى ؟

64- دموعك نزلت من الفرح امتى ؟

65- دموعك نزلت من غير متحسي بيها امتى ؟

66- انتي شايفه نفسك ازاى ؟
67- كلمه لكل اعضاء المنتدى ؟

68- كلمه لعضو تختاريه وتقوليله كلمه ؟
69- أمنيات تتمنى تحققيها مهما كانت صعبة ومستحيلة ؟ 3 امنيات بس يا ياسمين بلاش طمع
70- اغنيه لهــا ذكــرى عنــــدك؟

71- "من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"

ما رأيك في الحكمه دى ،، و هل هي صحيحه ؟
72- ايه اكتر حاجة بتكرهيها ؟ وايه اكتر حاجة بتحبيها ؟

يا عبد السلام خف على سوسو سيبلنا اسئلة نسألهالها

the princess of century كتب:: يا عبد السلام خف على سوسو سيبلنا اسئلة نسألهالها

ههههههههههههه ماشى خلاص كفايه كدا عليها دلوقتى :D

:shock: :shock: :shock: :shock:

انت بتجبهم منين منك لله

اسعتنى على الشقا بالله

1- مين الى عرفك على المنتدى ده ؟
- أية the king of blood
2-اول حد كلمتيه على المنتدى كان مين ؟
أية برده
3- عمرك اتخانقتي مع حد فى المدرسة ؟ وكان ايه السبب ؟
اه اتخانقت .. بس مش فاكره الحقيقه مع مين وليه (بجد مش فاكره)
4- ايه كان اول انبطاع اخدتية على الناس الى هنا ؟
ان دمهم خفيف وناس زى العسل
5- عمرك حسيتي ان فيه حد هنا مش بيحبك ؟
امممم .. الحقيقه أه
6- من وجهه نظرك ايه السن المناسب الى ممكن ترتبطي فيه ؟
اعتقد الجامعه..لان ساعتها الولد ممكن يقدر يرتبط بالبنت رسمى قدام الناس
7- مين اكتر حد قريب منك هنا ولد وبنت ؟
لا هما القربين منى هنا البنت خلود والولد أية ^__^
8- عضو نفسك تقربي منه وتتعرفي عليه اكتر ؟
walid ^__^محدش يفهمنى غلط
9- موقف حصلك وخلاكي تغيري حاجات كتيره فى حياتك ؟
لا هيا مواقف كتيره الحقيقه بس انا مش فاكره منهم حاجه دوقت اما افتكر هبقى اقولك
10- انت بتحبي تنظمي اوضتك وكده ولا مبهدله ؟
لا مبهدلة طبعااااااا .. انا مبنظمهاش غير كل ميته يهودى على راى الحجه مامتشى ^_^
11- ليكي كام صاحبه انتيم ؟ وايه اكتر حاجه بتزعلك منهم ؟
4 صاحبات .. واكتر حاجه بتزعلنى منهم لما بحسهم مش مهتمين بيا وانى عادى بالنسبه ليهم
مش بيعملوا حاجه تحسسنى انى مهمه .. عارف انت الحاجات دى :D

12- اخر خناقه اتخانقتهيا فى البيت كانت مع مين وبسبب اية ؟
كانت مع ماما .. وكانت بسبب الخروج
13- شايفه ان الصداقه على النت دى بتدوم ولا فتره وهاتعدى ؟
لا والله مقدرش احدد لانها بترجع للاشخاص
14- ايه اصعب لحظات مرت على حياتك ؟
بص هيا عمتاً اى لحظه فراق بتبقى صعبة وانا مريت بالحظات دى كتير
15- امتى ياسمين بتحس انها ضعيفه ؟
ببقى ضعيفه اووووى قدام اى حد بحبه .. واكتر ناس ببقى ضعيفه قدامهم هما اصحابى .. بجد لو طلبوا منى ايه لازم اعملوه عشان خاطرهم بس معتقدش ان ده ضعف فى الشخصيه بس ده من حبى ليهم ولا انت ايه رأيك ؟؟
16- ماهى احلامك ؟
ياااه دول كتير اووووى ميتعدوووش بس اللى منهم انى ابقى حاجه كبيره اوووى وانى افضل مع الناس اللى بحبها طول حياتى وافضل احبهم ويحبونى
17- امتى ممكن تفكرى انك تسيبى المنتدى ؟
لما تدخل فيه اشخاص معينه انا مش عايزاها تدخل .. ولما احس انه معدش بحاجتى ^__^
18- لو خيروكي بين حبيبك وبين اعز صديقه ليكي .. فمن تختاري ؟
يااااه ده اختيار صعب اوووى.. بص هوا المساواة فى الظلم عدل .. يااختارهم هما الاتنين .. ياما ماخترش حد
19- امتى حسيتي بالخوف ؟
دايما بحس بيه لما اتخيل ان ممكن اصحابى يضيعوا منى
وكمان لما بكون فى الزحمه ^__^ لانى بخاف منها

20- امتى حسيتي بالضياع ؟
بالضياع !! لما بعدت فترة عن اصحابى
21- امتى حسيتي انك مش عايزه الاحساس ده يفارقك ؟
لما بكون مبسوطه واما بحس ان فى حد بيحبنى بتمنى ان الاحساس ده ميخلصش من عندى ابدا
22- اتكلمي عن شخصيتك ؟
لا الحقيقه مش بعرف بس ممكن تسأل عنى ^_^ انا كل اللى اعرفه عنى وبسمعه من الناس انى طيبه ودمى خفيفه والله هما اللى بيقولوا مش انا وكمان قالوا انى سازجة ومعنديش قوة إرادة ^__^ وعصبيه وكلام كتير كده مالوش لازمه :D
23- اختارى شخص فى بالك ووجهيله كلمه ؟ يعنى تقولي مين الشخص واية الكلمة

الشخص هوا .. the king of blood والكلمه هيا .. بحــــــــبك
24- تتمنى ايه دلوقى ؟؟
حاجاااااااااات كتيره
25- شخص غيرك للأحسن ؟ وهل فى حد غير فيكي حاجه للأسوأ
أصحابى بيغريونى للاحسن .. لكن مافيش حد غيرنى للأسوأ
26- شخص شجعك ووقف جنبك ؟ فى المنتدى وبرة المنتدى
the king of blood & the princess of century& walid
27- اول حد اتعرفتي عليه هنا ؟ اخر حد اتعرفتي عليه هنا ؟
اول حد اتعرفت عليه the king of blood واخر حد اتعرفت عليه vampire
28- بتحكمي على الناس بأى منطق من وجه نظرك ؟
بمنطق التعامل معاهم طبعا مينفعش احكم على حد كده
29- من طباعك التقلب والتغير مع الناس ولا لا ؟
اه من طباعى
30- احكيلنا اجمل حلم حلمتي بية ؟
تقصد وانا نايمه ؟؟ لاااااااااااااا مستحيل
31- احساس تتمنى الا تشعري بيه ابدا ؟
احساس الندم
32- تغمض عينك وتفتح نفسك تلاقى ايه ؟
نفسى الاقى شخص معين قدام عنيا
33- المميزات اللى انت شايفها اللى المفروض تكون فى كل بنت ؟
الاحترام ويتحشموا شويه ^__^ مينفعش كده
34- كلمه لشاب بيتسلى ؟ وكلمه لبنت بتتسلى ؟
الاتنين احب اقولهم نفس الكلمه (كما تدين تداان)
35- بتحلي مشاكلك ازاى ؟
برجع لربنا ثم اصحابى وممكن اهلى ^_^
36- مين اول حد بتروحيله لما تحصل مشكله ؟
ربنا
37- تعملي ايه لو حد جرحك هل تكتفى بالصمت ولا ؟
بدعى عليه ^_^ لا حقيقى انا ببان قدام الناس متماسكه نوعاً ما انما لوحدى بطلع كل اللى جوايا
38- الولاد من وجهه نظرك ازاى دلوقتى ؟
محدش يقدر يتحمل المسئوليه ابدا
39- عضو تتمنى انوا ميكنش زعلان منك ؟
-bobo

امتى يكون الصمت ابلغ من الكلام ؟
40لما تكون فى مشكله نسكت احسن بدل مانوقع الدنيا فى بعض
41 بتهتمي بايه فى حياتك ؟
بتمنى كل خير

42- يومك ب-تقضيه ازاى ؟
على النت او مع اصحابى
43- طريقه تفكيرك فى المواضيع المهمه ؟
لا ببقى عاقله اوووووى وربنا مااعرف بجيب العقل ده منين ^__^
44- تفتكري صداقة النت فعلا امر طبيعى ولا لازم فى مرة المقابلة فيس تو فيس؟
اكيد لازم يبقى فى مقابله فيس تو فيس
45- قناعاتك الشخصية فى الحياة هى اية؟
مش عارفه ^__^
46- اخر مره بكيتي فيها امتى ؟
إمبارح
47- بتحبي البحر ؟
بمووووووووووت فيه
48- ياترى تعاملك مع الناس فى الحياه زى تعاملك معاهم على النت ؟
للأسف اه ^_^
49- اكتر مكان بتحب تروحيلة وانتي فرحانه ؟ واكتر مكان تحبي تروحيلة وانتي متضايقه ؟
اكتر مكان بحب اروحه وانا فرحانه المصيف ^__^ اكتر مكان بروحله وانا مضايقه هوا البيت
50- ايه اكتر حاجه شاغله تفكيرك اليومين دول ؟
:"> احم احم مافيش
51- هل تؤيدي الزواج العاطفي ام الزواج التقليدى ؟ ولماذا ؟
العاطفى .. لانه حاجه حلوه لما يكون فى اتنين بيحبوا بعض ويتجوزوا فى الاخر لان التقليدى ممكن الحب يجى او ممكن ميجيش
52- ايه رايك ان الاحبه بعد الفراق يتناسوا المشاكل اللى حصلت ويفتحوا صفحه جديده ويبقوا اصدقاء ؟ ينفع ولا لا ؟ وليه ؟
لا طبعا لو فى اتنين بيحبوا بعض وبعدين قالوا خلونا اصحاب مينفعش .. لان ممكن حد فيهم يحب ويسبب للتانى جرح اكبر والعكس برده مش بحب انا الحكايه دى
53- احساس لم تشعري به ؟
اللى انا حساه دوقت
54- حلمك كان ايه من وأنتي صغير ؟
انى ابقى صحفيه .. وكمان ان حد يجبلى ورد ولسه متمسكه بالحلم ده لحد دوقت
55- طريقتك فى الحوار ازاى ؟
هبـــــــــــــــلة
56- بتدوري على ايه فى حياتك ؟
على حب بجد
57- لو هتغيري اسمك ممكن يبقى اية ؟
جمالات ^__^
58- لقب تعطيه لنفسك ؟
المجنونه
59- لو غيرتي اسمك فى المنتدى هيبقى ايه؟
اممممم AY 7AGA
60- لو المنتدى بتاعك هتغيري فيه حاجه ؟
لا هوا كده تمام اوووى .. بس هلغى كرسى الاعتراف ده
61- يا تري لما انتي بتعملي حاجة غلط بتعاقبي نفسك أزاي ؟
بحرم نفسى من حاجه بحبها لمده طويله
62- أيه أهم أسباب تحطم القلوب من وجهة نظرك ؟
الفراااق هوا ده سبب كافى جدا للجرح
63- اية الحاجات اللى لو عملها اصحابك وحبيبك مثلا او اخواتك تفرحك قوى ؟
لما بيعملوا حاجه تبينلى انهم بيحبونى بجد ببقى فى قمة السعادة لما احس انهم بيحبونى
64- دموعك نزلت من الفرح امتى ؟
دموعى بتنزل لما بكون فرحاااااانه اووووووى وبتبقى غصب عنى
65- دموعك نزلت من غير متحسي بيها امتى ؟
لما بكون معصبه وبتكلم فى موضوع جد بلاقى دموعى بتنزل وانا بتكلم والله مش بيبقى بقصدى خالص الحركه دى بتضايقنى اوى
66- انتي شايفه نفسك ازاى ؟
شايفه نفسى انسانه عاديه خالص
67- كلمه لكل اعضاء المنتدى ؟
بحبكم كتييييييييير
68- كلمه لعضو تختاريه وتقوليله كلمه ؟
The princess of century (i love you more)
69- أمنيات تتمنى تحققيها مهما كانت صعبة ومستحيلة ؟ 3 امنيات بس يا ياسمين بلاش طمع
70هههههههههههههههه اما الاقى واحده الاولى اممم نفكر (أكون مع اللى بحبه - احقق زاتى فى التعليم - وان حد يجبلى ورد اهئ اهئ )
- اغنيه لهــا ذكــرى عنــــدك؟
فى اغانى كتير الحقيقه مش فاكره حاجه منهم دوقت
71- "من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في الحكمه دى ،، و هل هي صحيحه ؟
امممم .. لا بجد هيا جميله اوى وممكن يكون منطقى

72- ايه اكتر حاجة بتكرهيها ؟ وايه اكتر حاجة بتحبيها ؟
اكتر حاجه بكرهها فى حياتى هيا الكدب .. واكتر حاجه بحبها فى حياتى الصداقه والحب

1- مين الشخص المدين ليكى ؟

مدين ليا !!! لا الحقيقه معرفش
2- مين الشخص اللي بتعتزى بيه ؟
بعتز بيه bobo

3-
مين الشخص لي تتمني ليه الخير ؟
walid

4-
لو قلت ليكي انزعي شئ من حياتك-عادة او صفة...-ايه هي وليه ؟
هنزع العصبيه لانها بتزعل ناس كتير اوى منى

5- لو قالوا ليكي غدا ستموتي - بعد الشر - فماذا ستفعلي ؟
هدعى ربنا يسمحنى على اللى عملته طول حياتى وهودع الناس اللى بحبها

6- مادا تعني لكي الحياة الحلوة ؟
الحياة الحلوه بتعنى الحبيب والاصدقاء والاهل

7- مادا يعني لكي :

السعادة(السعادة بتعنى ليا كل شـــئ)

الكرامة (الكرامة بتعنى ليه قيمه الانسان )

القسوة (القسوة مش بتعنى ليا حاجه )

( البرائه بحبها جدااااا)الطفولة

( كل حاجه للانسان)الصحة

(الامل )النجاح

( مش بحبه خااااااالص )النفاق

( أساس الحياة )الاخلاص

( حاجه بشعه)الخيانة

( أحلى حاجه فى الدنيا دى )الصداقة

8- انتي حبيتي قبل كدة ؟
الحقيقه لا بس اللى حبونى كتير

9- ما هي نقاط ضعفك ؟
الناس اللى بحبها

10- ما هو السؤال الي انتي خايفة منوا ؟
بتحبى نفسك ولا لا

11- تعرضتي لحادث ما فى ضغرك لشقاوتك ولسة اثار الحادث موجودة ؟
اااااااااااااااه

12- اوصاف فتى احلامك ؟
هههههههه اوصافه .. ( عارف ربنا كويس-دمه خفيف-معرفش حد قبلى-طويل-رومانسى على كوميدى-ويكون بيحبنى اوووى زى مانا بحبه مووت)
16- ايه اكتر خبر سمعتيه وفرحك اوى ؟
خبر كده سمعته ومعرفتش اتكلم من كتر ماكنت فرحااااااااااااااااانه

17- امتى اخر مرة جبتي لحد هدية ؟ وكانت اية ؟ ولمين ؟
الحقيقه مش فاكره هيا ايه ولا امتى بس تقريبا كانت لخلود

18- امتى اخر مرة جالك فيها هدية ؟ وكانت اية ؟ ومن مين ؟
اخر هديه كانت من بوتشى حبيبتشى boboمش فاكره بقى كانت ايه

19- وانتي بتمشي تبع الموضة ولا لا ؟ وايه الالوان اللي بتفضليها ؟
اااااااااه طبعا انا طول عمرى شيييك ^_^ الاحمر والاسود

20- انتي دحيحه ولا من بتوع كلو فى الكلتش ؟
هههههههههههههههههههههههههه هوا احياناً ببقى دحيحه بس الاغلبيه كلو فى الكلتش ههههههههههههههههههه

21- مطربك المفضل ؟ عربى واجنبى
معنديش حد معين فى العربى .. انما الاجبنى shayne ward

22-
مطربتك المفضلة ؟ عربى واجنبى
جنااات ..avril

23-
ممثلك المفضل ؟ عربى واجنبى
لا مافيش الحقيقه لا هنا ولا هنا ^__^

24- ممثلتك المفضلة ؟ عربى واجنبى
مافيش برده

25- بتحبي تسهر ؟ ولو سهرت اخرك الساعة كام ؟
هوا انا لو سهرانه مع حد بحبه يبقى لحد الصبح لو ان شالله لتانى يوم وبحب السهر اااااااااه جداااا

26- بتحبي قعدة البيت اكتر ولا الخروج ؟
لا بحب قعدة البيت اكتر وعلى رأى المثل .. من خرج من دراه اتقل مقدارة ^__^

27- بتمارسي رياضه ؟ ايه هيه ؟
هوا انا كنت الحقيقه بلعب تنس بس ده زمااااااان والله نفسى دوقتى كمان لانى بموت فى الرياضه دى

28- بتقضى كام ساعه عالنت ؟ منهم كام ساعه بتخليهم للمنتدى ؟
انا بقعد على النت طول مانا قاعده فى البيت .. وطول مانا قاعده على النت فاتحه المنتدى ^__^

29- ليكى فى الكوره ؟ واية فريقك المفضل محليا وعالميا ؟
انا اهلاوووووووووووووويه .. عالميا ماليش فيهم

30- معاكي شنطه فتحتهيا لاقيتي خمس حاجات هقولك حاجه حاجه وتقوليلى هتهديها لمين ؟

(walid)ورده

قطه )(the princess of century)

(the king of blood)مسدس

(yasmeena)كارت شحن فودافون بخمسين جنيه

(bobo zohair)خاتم الماظ

31- انتي شبه مين باباكي ولا مامتك ؟
بابا

32- اكتر واحد بتحبيه فى عيلتك ؟ وليه ؟
بابا ومنى اختى .. بصراحه الاسباب كتيره اووووووووووى

33- ناويه تسمى ولادك ايه ؟
الاولاد ( بيجاد-رايان)
البنات(جنات-جنة-جنان-جنى )

34- سافرتي بره مصر قبل كده ؟ فين ؟

لا الحقيقه مسافرتش برا مصر قبل كده

35- نفسك تسافري فين ؟
فرنسا
39- اكتر البوم لمطرب ومطربه عجبك الصيف دة ؟
البوم المطرب كريم محسن .. المطربه مش متابعه الحقيقه ^_^

40- صاحبتك الانتيم فى الفصل كان قاعدة جنبك فى الديسك ولا لا ؟
اها كانت قاعده جمبى

41- اخر يوم فى امتحاناتك وانتي نازله من على السلم كنتي بتغنى تقولي ايه ؟
هههههههههههههههههههههههههههه ماكنتش بغنى الحقيقه

42 - اختاري من بين القوسين : مواضيعك دائما تتسم ب ( الجمال - خفه الدم - الغتاته - الرخامه - الرزاله - الوحاشه - البساطه ) ؟
خفة الدم وساعات الرخامه هههههههههههههه
43- عندك كام اخ وكام اخت ؟
احمد ومنى

44- أقسامك المفضلة ؟
قسم الالعاب

45- اعتذار تريد ان تقدميه لمين ؟
لاى حد زعلان منى

46- ما رد فعلك عندما يقول لك حبيبك : ده بالنسبالى عادى جاست فريند؟
هزعل

47- ماذا ستكتبي لنا لتعبر عن حياتك اللى عشتيها الى الان في كلمات قليله ؟
أحلى حيااااااااااااااااة بالنسبه ليا

48- اذا اردتي ان تبكي الان .. على من تبكي ؟
على نفسى

49- من ستختاري ليمسح دموعك ؟
اللى بحبه

50- بتنامي كام ساعه فى اليوم ؟
والله لو محدش صحانى ممكن افضل نايمه اليوم كله

اجابات جميله يا ياسمين

ويارب ماكنوش تقلت عيلكى :P

وباقى الأعضاء اتفضلوا اسألوها براحتكم انا خلصت :D

لا متقلتش عليا خاااااااااالص

ويسألو .. لو فى اسئله اصلا

انت خلصت على كله

طب يلا رشحى اللى بعدك :D

لا لما تجاوب على اسالتى الاول ....
يلا جاوبى وورينا شطارتك :d

ف الدنيـا معادلات ف الحيـاه بتبقى اصعب كتير من معادلات الفيزياء احب آخد رئيك فيها وكذلك تعقيبكـ

1-انااا عايـز اعرف إيـه اكتر معادلـه محيراكـى وتعباااكـى ف الدنيـــــــا ؟؟؟

2- معادله الحب ( ان تحب ولايدرى بك من تحبه .. ويكون هو معلق بحب آخر ومن يحبك لا تدرى انت ولا تشعر حبه وف الاخير يكون غالباً ثالث اخر من يكون نصيبكـ ) ؟؟

3- يتركـ الإنسـان الشخص الذى ُيحبـه ويبحث عن آخر كى يحبـه وف الاخير يبحث عن آخر يضحكـ عليـه ؟؟

3- يدركـ الانسـان اخطائه بعد فوات الاوان (قلنا ليتعلم) لكن لماذا يكرر البعض الخطأ ؟؟

4- يرحـل من نحب ويبقـى من يثقلنـا وجودهم المشقـه ..؟؟

5- مااثقل كيلو الحديد ام كيلو الورق ( قلنا واحد) .. لكن نقول ساعه الفرح دقيقه وساعه الحزن سنه فأى ساعه اطول (فكيف)؟؟

6- معاهد كامب ديفيد قالوا عنها العار واننا اول من اعترفنا بإسرائيـل وقالوا عنها نكسـه مصـر .. هل لو كان العرب اعترف بإسرائيل
كان زمان فلسطين حالها أحسن من دلوقتى خاصتاً ان دلوقتى فلسطين هيا اللى بتدور على اعتراف دولى يثبت وجودهـا ..؟؟
فكيف تريهـا وتعقيب عليها بالكااااامـل

7- السادات ومعه الاستقلال وكره العرب ... ام عبد الناصـر ومعه النكسـه واحترام العرب أى الكفتين ارجح ولماذا ؟؟

نيجى للفقره الاسهل شويـه

*اية احب ليك الصديق الاخ ام الاخ الصديق ؟ ولية؟

*امتى نظرتك للحياة بتتغير؟ وامتى بتحسى انك كنتى فاهمه الدنيا غلط ؟

*حد انتى بتحبية قوى بس لاقيتية بيسببلك مشاكل كتير تصرفكى معاة يبقى ازاى؟

*مين اكتر واحد وجهلك انتقادات؟ وكان ردة فعلك معاة اية؟

*بتحسى ان ياسمين الى بتتتعامل معانا فى المنتدى هيا الى بيتعامل فى حياتها الخاصة ولا فية اختلاف؟ولو فية اية هوة الاختلاف دة؟

*الواقعية عند ياسمين بتمثل اية ؟

*ما الذى يمثلة الظلام فى حياة ياسمن ؟

*نصيحة نفسك تطبقها فى حياتك بس مش قادر اية هية؟

*اية اكتر حاجة بتجذبك فى الشخص الى قدامك؟

*اية رايك فى مشكلة التقليد عند الشباب فى اليومين دول ؟؟؟

*الحرية المطلقة للشباب الموجودة دلوقتى اية رايك فيها؟

دول شوية اسئله خفيفه كده
لما تخلصى ابقى اجى تانى

ياسمين غائبة وبتدلع علينا

ايه رايكو ندخل حدا مكانها عابل هيا ما تتدخل

وهتجاوب برضو يا محمود ما تخاف

وانا اقترح the king of blood
لانها بتدخل كتير

باضم صوتى لصوتك يا خلود وبارشح THE KING OF BLOOD

وانا كمااااااااااااااااان

the king of blood

ااشطات يبقى كدة اية على كرسي الاعتراف

اسألوها بقى

ياسمنتي انا فرحانة اوي كدة ليه يا روحي انتي مش ناوية تجاوبي ولا ايه؟؟؟

ٍسورى ياسمين لازم تكلم مده معينه اسبوع مثلا
وبعدين king of bloodla هتتسال الا لما ياسمين تجاوب ..هوه شم انا حاطط اساله ولا ايه ؟؟

الموضوع من الأول قايلين يا محمود ان كل واحد 24 ساعه ولازم الجميع يلتزم بقوانين اللعبه ..

ممكن تسأل الأسئله دى لـ The King Of Blood أما ياسمين فأنت اسألتك جت بعد ما وقتها خلص ..

وبلاش تبقى زى الشريك المخالف يا معلم :P